KOCHA WA NGUMI C. MZAZI KUWAPOZA MACHUNGU MABONDIA WALIODHURUMIWA NA PROMOTA KAIKE

Kocha wa ngumi za kulipwa Christopher Mzazi, kutoka Gym ya "No Ttalking" ya Mabibo ya jijini Dar es Salaam, ameamua kuwapoza machungu mabondia chipukizi, Mwaite Juma na Baina Mazola, waliowahi kupiganishwa na Promota, Kaike na kisha kuwadhurumu malipo yao ya pambano hilo.

Mabondia hao wanatarajia kupanda Ulingoni Novemba 18/2012 huko maeneo ya Mabibo katika ukumbi wa D.I.D, ambapo pambano hilo litakuwa ni la upinzani kubwa kutoka na mabondia hao kutambia na kufikia kutaka kuzichapa kavu kavu mtaani. 

Akilizungumzia pambano hilo kocha mzazi alisema kuwa mabondia hao wote ni wazuri ambao wanaofundishwa na kocha mzuri mwenye uwezo mkubwa pia ni mabondia wazuri na ni tegemeo zuri la baadae.

''Sielewi ni kwanini Kaike aliamua kuwafanyia uhuni na kuwadhurumu, hivyo mimi nikiwa kama mzazi kama jina langu nimeona ni vyema nikawapoza machungu kwa kuwapa pambano na mabondia wangu na kuwalipa zaidi ya  pesa walizodhurumiwa kwa kuwa ninaelewa machungu na ugumu wa mchezo wenyewe ulivyo''. alisema mzazi.

Hivyo basi Mwaite Juma, kutoka BigRight boxing gym atacheza na Baina Mazola wa No talking gym katika pambano la raundi nane.

Na Pambano hilo kali litasindikizwa na Karim Ramadhan (mdogo wa Nasibu Ramadhan-bondia bora wa mwaka) atakaecheza na Martin Richard.

Siku hiyo pia kutakuwa na mapambano mengi ya kiushindani ya kuwekana sawa nani zaidi ya mwingine kati ya mabondia wa mabibo na mwananyamala.