KITALE AJITOSA KUOKOA UWANJA WA MWANANYAMALA BONDE.

Msanii wa Luninga na Mwanamuziki wa nyimbo za kizazi kipya maarufu kwa jina la Kitale akifyeka nyazi katika Uwanja wao  Bonde FC ulioko Mwananyamala Kisiwani jijini Dar es Salaam leoasubuhi 

MSANII wa Luninga na Mwanamuziki wa nyimbo za kizazi kipya, Kitale leo amejumuika na vijana wenzake kufanya usafi wa Uwanja wao wa Bonde ulioko Mwananyamala Kisiwani jijini Dar es Salaam.

Akizungumza na mwandishi wetu amesema yeye ni mchezaji mzuri sana na timu yake ni Bonde Footbal Club yenye makazi yake Mwananyamala Kisiwani hivyo wameamua kufyeka nyazi na kuutungezeza uwanja wao baada ya kuharibiwa na mvua zinazonyesha.

Kitale alisema sasahivi wako katika harakati za kuchangishana na kuchangisha pia mitaani ili wakodishe Kijiko kisawazishe Uwanja na kuweka kingo za maji ili uwanja usiharibiwe na maji tena.

Aidha Kitale alisikitishwa na Uongozi wa Mwananyamala Kisiwani akiwemu Diwani pamoja na Serikali ya Mtaa ambao wanaona hali ya Uwanja jinsi ulivyoharibiwa na maji lakini hawana msaada wowote wa kuweka mazingira mazuri ya kuutengeneza amakuweka mazingira mazuri ili usiendelee kuharibika,sasa wao kama vija wameamua kuukarabati kwani unawahusu zaidi na wanakosa mahali pa kwenda kufanya mazoezi.

Alisema Kitale anaomba msaada kwa yeyote anayeguswa na hilo swala la uwanja hususani wakazi wa Mwananyamala kwa manufaa ya vijana wa Mwananyamala na kizazi kinachokuja pia kwani michezo ni afya na pia michezo ni ajira.